NSCN(I-M) inkahhaiin Manipur a huam lo : CM Singh

Manipur chief minister N Biren Singh chuan Assembly House-ah Naga helpawl, NSCN (I-M) in kahhai an puan chuan Naga chenna bial zawng zawnga, Manipur-a mi pawh a huam tel niin sawi mah se, Manipur state chu a huam tel lo tih a sawi. 

Manipur Legislative Assembly session neih  mekah, MLA Alfred Kangngam Arthru zawhna chhangin, CM chuan NSCN(I-M) inkahhai puan hian Manipur state a huam lo a, huam tir tuma rawtna pawh a awm lo tih a sawi a ni. Naga peace talk neih mek chu Manipur sorkar pawhin chinfel a nih thuai a duhsak hle tih CM chuan a sawi bawk.