CAB dodaltu ten Assam culture leh Civilisation beih an duh: Biswa
Assam Finance Minister Himanta Biswa Sarma chuan Pathianni khan Citizenship Amendment Bill, 2016 dodaltu te chuan Assam culture leh civilisation beih an duh tih a sawi.
Bhartiya Janata Yuva Morcha (BJYM) rally Assam-a Lakhimpur-a neihnaa thu a sawinaah Himanta Biswa Sarma chuan Citizenship (Amendment) Bill, tribe parukte hnena ST status pek chungchangah leh Assam Accord Clause 6 chungchangah thu dik lo nasa taka thehdarh a nih thu a sawi a ni.
He hunah hian BJP National president Amit Shah pawh a tel a ni. Biswa Sarma chuan CAB dodaltute chuan Assamese community chu a ni lo zawnga hruai an tum tih a sawi a, Assam culture leh civilization beih an duh a ni, a ti. India culture leh civilization humhim an duh tih chu mipuite hriattir an duh thu leh chu chu an resolution a nih thu a sawi.
Sarma chuan Bill chungchanga inbeihna chu ”jati-mati-bheti” (community, land, homeland) humdim duhtute leh civilization beitute inkar buaina a nih thu a sawi bawk.
BJP chu civilization chhanhimtu an nih thu sawiin, "Fir ek baar Modi sarkar” chu slogan mai ni loin nun chhanhimna a nih thu a sawi a, BJP chuan Lok Sabha inthlan awm tura seat 14 Assam-a awm zinga seat 10-11 an la dawn tih a sawi a ni.
Kashmir-a Pulwama district-a helten sipaite an beihna chungchang pawh sawiin, Assam chu Kashmir pahnihnaa chantir an duh lo tih an sawilan tawh thu leh, tunah chuan mipuite chuan anmahni chu an sawisel ṭan tih a sawi. Hetiang a nih mek lai hian Kashmir dinhmun chu hmuh a ni tawh a, fimkhur a ngai zual hle tih a sawi.