Ramri buaina ngaihthahah Meghalaya sorkar puh

Meghalaya Congress MLA Mazel Ampareen Lyngdoh chuan state-a rorellai, Meghalaya Demo­cratic Alliance (MDA) sorkar chu Assam-Megha­laya ramri buaina ngaihthahah a puh. 

Lyngdoh chuan, "Cong­ress sorkar lai khan ramri buaina chungchang hi kan buaipui nasa a, chief secretary level meeting leh level dang meeting pawh neih a ni fo ṭhin. Mahse tuna sorkar chu ramri buaina chungchangah hian a ngawi reng a ni," a ti. Hetianga thil pawimawhah state sorkarin a duhdan te a kalpui ve loh chuan a tuartu zawkah an ṭang zel dawn tih a sawi. 

Tun hnaia Assam police-ten West Khasi Hills district-a Langpih bulah border post an siam duh loin, Umwali khuaah buaina a chhuak a ni.  

Congress MLA chuan Assam-in National Register of Citizens (NRC) final list a tihchhuahah mi nuai 19 chuang an tel loh avangin, list-a tel lo mi tam tak chu Assam aṭang hian  hmun dangah awmna zawngin an kal ngei dawn tih a sawi. Hei vang hian heng mite hi an state-ah lutin, an ramte chu neihsak an tum lo ang tih a sawi theih lo tiin, heng laka invenna tura ṭan lak a ṭul thu a sawi.