Sikkim CM-in Tualchhung ṭawng ngai pawimawh turin ti

Sikkim chief minister P. S. Tamang (Golay) chuan Inrinni khan ṭawng pawi­mawhzia sawiin zirlaite chu tualchhung ṭawng ngai pawimawh hmasa turin a ti.

CM Tamang hian July 13, Inrinni khan Soreng Sr. Sec. School Auditorium Hall, West Sikkim a Bhanu Bhakta Acharya Birth Anniversary vawi 205-na lawmnaah ṭawng pawimawhna chung­chang leh Bhanu Bhakta Acharya-a'n Nepali 

ṭawng a ngaih pawimawh dante a sawi. Bhanu Bhakta Acharya hi Nepali ṭawng bika Nepali poet hmasaber a ni. 

Ṭhangtharten tual­chhung ṭawng an hmang tlem ta lutuk chu pawi a tih thu leh tualchhung ṭawng chu hmang uar sauh sauh tura a duh thu CM chuan a sawi bawk. He hunah hian Soreng Chakung Constituency chhunga Nepali language subject-a Topper-te hnenah lawmpuina a hlan a, hmasawn zel tura duhsakna a hlan bawk.