Manipur-in polythene bag hman a khap dawn

Manipur forest and environment minister Thounaojam Shyamkumar chuan kum 2020 aṭangin an state-ah polythene bag khap a ni dawn tih a sawi. 

Minister chuan kum 2020-ah chuan polythene bag an state-ah hman khap a nih tawh dawn thu a sawi a, Forest department hnuaiah kum tharah chuan plastic chu bio-degradable-in an thlak tawh dawn a, bio-degradable chu thlai chinna hmuna thingtuai siamna atan an hman tawh tur a nih thu a sawi tel bawk.

Shyamkumar chuan "Ministry of Environment, Forests and Climate Change (MoEFCC)-in thuchhuah an siam chu kum thar aṭangin zawm a ni ang a, thlai chinna hmun a polythene bag hman a ni ṭhin chu state sorkarin a titawp tawh dawn a ni," a ti. 

Kum tharah thlai chin hun ṭan hmain Forest official-te chuan thlai chinna hmun chu plastic-free a nih theihna turin an enfiah vek dawn a, thlai ṭiak zawng zawngte pawh enfiah a nih tur thu a sawi.