Sikkim-in film policy siam dawn

Sikkim chuan film siam­na atana an state hman lar a nih theihna tura hmalakna kawng khat atan, film policy a siam dawn. Hemi atan hian Pathianni khan Infor­mation and Public Relations department chuan coor­dina­tion meeting a ko. 

Meeting-ah hian IPR department secretary Namrata Thapa leh department hrang hrang hotute an tel a, film policy duan dan turte sawihoin, Sikkim chu feature leh non-feature film channa atana hman a, chawi lar a nih theih dan tura department hrang hrangin rawtna an neihte ngaihtuah ho a ni bawk. 

Film policy hi February 28 - March 1 chhunga Gangtok-a Global Cinema Festival neih turah tlangzarh a ni ang.