Nagaland Congress-in bicameral legislature phut

Nagaland Pradesh Congress Committee (NPCC) chuan state assembly pahnih, bica­meral legislature neih a, legislative council/upper house din an phut. Hei bakah Lok Sabha leh Rajya Sabha-a an state-in seat a neih zat chu tihpun an phut bawk. 

Hun rei tak an buaipui tawh, Naga politics buaina chungchanga state political party-te an ngawi reng leh, an dinna lam dik tak an tichiang thei lo chu an dem thu an sawi. Prime minister Narendra Modi-a'n Naga mipuite leh India ram mipuite hmaa a lo tiam fo tawh angin, sorkar laipui  chuan Naga buaina chu a rang thei anga chinfel sak tura an phut thu NPCC chuan a tarlang bawk. 

Thuchhuah an siam­ah, NPCC chuan an buai­na chuan hun rei tak state hmasawnna tur a tih-ṭhuan­awp tawh avangin, hmasawnna hna kalpuina tur economic package pe turin sorkar laipui an phut thu an sawi bawk.