Manipur-a railway bridge zawh tum

India rama railway pier bridge sang ber tur, Manipur-a Jiribam-Imphal railway project hnuaia siam mek chu kum 2022-ah zawhfel a ni dawn. 

Meter 555-a thui lei dawh hi Jiribam-Imphal inkara lei 148 dawh tur zinga mi niin, he rel kawng hian leiverh 47 zet a kaltlang dawn bawk a ni. 

Railway Board chairman VK Yadav chuan March 2022 hma ngeiin an hna thawh hi zawh hman an tum tih a sawi. Noney district headquarters bula lei dawh hi khawvelah pawh railway bridge sang ber zingah a tel pha a, meter 141-a sangah dawh a ni. Lei dawhna atan hian  cheng vaibelchhe 280 ruahman a ni. 

VK Yadav hian kar liam ta Inrinni khan Jiribam-Imphal rel kawng siamna tura leiverh palina, tunnel No 4 chu a hawng nghal a ni. He tunnel hi meter 2,265-a thui niin, Tupul leh Imphal inkar kawnga leiverh pasarih siam zinga a thui ber dawttu a ni.