Hmarchhak tan medical college dinnaah hamṭhatna siamsak

Hmarchhak state bikah chuan medical college thar dinna atana senso 90% chu central sorkarin a tum dawn a, state sorkarin 10% a tum ang. Hei hi hmarchhak state-te tan bik chauha tih a ni a, mainland state-ah chuan senso hi sorkar laipuiin 60%  leh state sorkarin 40%-in an inchawi sem thung. 

Medical college thar dinna hi scheme pakhat, Union Ministry of Health and Family Welfare hnuaia mi a ni. He scheme hnuaiah hian district leh referral hospital behchhanin medical college din tel tur a ni. Hmarchhak bialah hian Assam chuan medi­cal college a ngah ber a, medical college paruk hmanlai mek a nei; Gu­wa­hati, Dibrugarh, Silchar, Jorhat, Tezpur leh Barpeta-ah pakhat ṭheuh an awm. Kum 2020-21 a hman theih turin Dhubri, Lakhimpur, Nagaon leh Diphu-ah pakhat ṭheuh sak mek a ni a, Nalbari, Kokrajhar leh Tinsukia-ahte a thar pathum sakna tur lung­phum phum a ni tawh bawk. 

Gauhati Medical College zirtirtu hlui, Dr A Hussain chuan Assam-in hmarchhak bialah medical college a ngah ber a, tunah chuan doctor siam chhuahna - medical college thar chu state dangin an hawng hmuh a hun ve tawh a ni, a ti.