Union Tourism Ministry-in NE state-te a ṭanpui
India hmarchhak state te tan Swadesh Darshan scheme hmangin kum nga chhung khan, Union Tourism Ministry chuan cheng vaibelchhia 1,400 a pe.
Swadesh Darshan scheme hnuaiah hian, tourism lama hmarchhak state pariat - Arunachal Pradesh, Assam, Manipur, Nagaland, Meghalaya, Mizoram, Sikkim leh Tripura ten hmasawnna an neih belh zel theih nan, project 16 siam a ni.
Union Home Ministry (MHA) chuan Arunachal Pradesh, Manipur, Mizoram, Nagaland leh Sikkim-te hi a bik taka venhim leh humhalh an nih thu a tarlang. September 14, 2018 khan Manipur, Mizoram leh Nagaland te chuan restricted area permit (RAP) leh protected area permit (PAP) kum 2022 thleng an neih thu MHA chuan a tarlang bawk.
Tourism Ministry chuan kum tinin International Travel Mart (ITM) chu hmarchhak state te tan a huaihawt ziah a, he hunah hian hmarchhak state te tan an hnam leh nunphung khawvel hriata pholanna hun remchang a ni ṭhin. ITM hman a nih hnuhnung ber chu nikum November 2018 khan Tripura khawpui Agartala-ah neih a ni.