Meghalaya CM-in lei, school leh mini stadium lungphum phum

Meghalaya chief mi­nis­ter Conrad K Sangma chuan North Garo Hills district-ah lei, gover­ment higher secondary school leh mini stadium lungphum a phum. 

Lei hi Daming lui chung­ah dawh a ni dawn a, Songsak-Mendipathar leh Rongrong-Resu­dekachang kawngpui inkal­pawhna tur a ni. CM chuan he project hi zawh a nih hunah chuan he bial economy thlengin a chawi kan phah thei dawn tih a sawi. Lei dawh hi mi sangli velin an chhawr ṭangkai thei dawn nia sawiin, nitin mamawh chawkluh kawngah leh, an thlai tharte phurhchhuahna kawngah nasa takin a chhawk zangkhai thei dawn a ni, a ti. 

CM hian Resubelpara Government Higher Secon­dary School buil­d­ing thar sakna tur leh, Resubelpara-a mini stadium sakna tur lung­phum a phum bawk. Sangma chuan a kaihhruai sorkarin sports infrastructure tihchangtlun zel a tum tih sawiin, infiammite talent phochhuah a, chawikan zel a tum tih a sawi. CM hun hmannaah hian deputy speaker Timothy D Shira leh Bajengdoba MLA Pongseng Marak-ten an ṭawiawm a ni.