Assam Rajya Sabha member atan Biswajit Daimary thlang

Assam-a Parliament upper house, Rajya Sabha member atan BJP candidate, Biswajit Daimary chu chuhtu awm loa thlan tlin a ni.`

Nikum November thla khan Biswajit Daimary hian a party,   Bodoland People’s Front (BPF) chhuahsana BJP a zawm avangin Rajya Sabha member a nihna aṭangin a bang a, a seat hi a ruak ta a ni. By-election neihah hian BJP aiawhin Daimary hi dintir zui leh a ni a, party dangin candidate an siam loh avangin chuh tu awm loin a tling zui ta a ni. 

Kum 49 mi, Daimary hi BPF dintu zinga mi a ni a, Assam-ah hian kum 2016 aṭang khan BPF hian BJP hi an thawhpui a ni. Mahse nikum December thla tira  Bodoland Territorial Council inthlan neih hnu khan BJP hian BPF an thawhpuina titawpin, United People’s Party Liberal (UPPL) a thawhpui ta zawk a ni.