AP-in Kiwi thar chhuak tam ber nih thum

Arunachal Pradesh agriculture and horticulture minister Er. Tage Aki chuan kum 2023-ah an state chu India rama Kiwi thar chhuak tam ber nih an tum tih a sawi. 

Minister hian Thawhṭanni khan Lower Subansiri district headquarters, Ziro aṭangin Delhi-a thawn tur, Kiwi thei ton 6 a vai liam a, hei hi kum 2016 hnuah a hlawma Kiwi an thawnchhuah ṭum rukna a ni. 

Er. Tage Taki chuan Lower Subansiri district-a Kiwi Research Institute din chuan Kiwi chi ṭha kui ṭiahna kawngah leh enkawl zuinaah Horticulture department a pui zel dawn tih sawiin, state chhunga loneitute pawh a hralhchhuahna ṭha thei leh thlai lam ching uar turin a chah bawk. 

Lower Subansiri district-ah hian kum 2016 khan Kiwi metric ton 60 thar chhuah niin, kum 2019-ah metric ton 102-ah a pung a ni. He district-a Kiwi thar chhuahte hi a thlum ṭha bik nia sawi a ni. Nikum October thla khan Lower Subansiri district hian Mission Organic Value Chain Development Programme for North East Region (MOVCDP-NER) hnuaiah Organic Certification for Kiwi a lo dawng tawh a, India ramah dawng hmasa ber a ni.