Manipur leh Assam LS inthlanah JDU ding dawn

Bihar-a sorkarna siam mek Janta Dal United (JDU) chuan Inrinni khan hmarchhak state pahnih, Assam leh Manipur-ah Lok Sabha inthlanah an ding dawn tih an sawi.

Party General Secre­tary Afaque Ahmed Khan chuan heng state pahnihah te hian candi­date an file dawn tih sawiin, secularism leh development chu an agenda lian turte an nih thu a sawi. Seat engzatah nge candidate an dah dawn erawh a sawi lang lo thung. 

JDU hian hmarchhak lamah inzarpharh an tum nasa hle a, Nagaland-a Nationalist Democratic Progressive Party kaih­hruai sorkar zingah pawh an tel tawh a ni. JDU hian tunhnaia Assam leh hmarchhak state danga Citizenship Amendment Bill dodal a nih pawh khan a dodaltute kha an thlawp bawk.

Afaque Ahmed Khan chuan bill dodalna kha an thlawp tih sawiin, bill avanga thawvenna erawh a la ngialnghet lo hle tih a sawi. Communal force chungchanga inbeihna chu a la reh mai dawn lo tih sawiin hmarchhak mipuite chu an inrin reng a ngai tih a sawi a ni.