Nagaland BJP Member hlun 11 in party chhuahsan

Nagaland unit BJP member hlun tak 11-te chuan an unit president Temjen Imna Along leh secretary (org) Ananta Mihra-te chu mimal thuneihna kaltlang pui tumah puhin party an chhuahsan.

Party chhuahsan te hi an member hlun tak tak, minister hlui leh chairman of political affairs committee hlui TA Ngullie, vice president of state minority cell hlui Tutiur Rehman Tapadar, state BJP mahila president hlui Sanuo Ngullie, state BJP mahila vice president hlui Akhrieno Jamir,  secretaries state BJP mahila hlui pahnih - Phyobeni Ezung leh Rani Tapadar, state mahila executive member hlui - Nemla Chang, Bokali Kiho, Vungthunglo Ngullie leh Vono Ngullie bakah Dimapur district BJP mahila secretary hlui Setsala Phom-te an ni.

Party chhuahsan tute hian Imna Along leh Mishra-te chu an party inpumkhatna tichhiaah puhin, hruaitu hlun zawk, party harsat lai ber aṭanga thuneihna an chan thlenga hmalatu te thawhpui duh loah an puh. 

Along leh Mishara-ten an party an kaihhruai chhunzawm zel a nih chuan member tam zawkin an party chu an la chhuahsan dawn tih an sawi bawk.