Assam tuilian vanga thi 30 tling tawh

Assam tuilian vangin Ningani thleng khan mi 30 an thi tawh a, mi nuai 57 vel a nghawng tawh bawk.

National Disaster Res­ponse Force (NDRF) chuan Ningani khan Morigaon district-ah tuilian tuarte chhawmdawl hna an kalpui a, Assam State Disaster Mana­gement Authority (ASDMA) chuan Brahmaputra lui dunga awm khuate chu warning pe lawkin; lui chuan hlauhawm chhinchhiahna a pel tawh tih an sawi.

State chhung hmun hrang hrangah relief camp 427 siam mek a ni a, mi nuai 1.5 vel heng relief camp-ah hian an awm. Brahmaputra lui lian chuan hlauhawm chhinchhiahna level metre 36.27-in a pel tawh nia sawi a ni.

Sorkar laipui chuan Nilaini khan State Disaster Response Fund (SDRF) hnenah tuilian tuarte chhawmdawlna turin cheng vaibelchhe 251.55 a pe. Hemi avang hian Assam finance minister Himanta Biswa Sarma chuan prime minister Narendra Modi leh union home minister Amit Shah-te chu lawmthu a hrilh a ni.