Transformation of Indian Agri. meeting-ah Arunachal CM Pema Khandu tel

Arunachal Pradesh chief minister Pema Khandu chu Ningani khan NITI Aayog-ah 'High Powered Committee of Chief Ministers for Transformation of Indian Agriculture' meeting-ah a tel.

Meeting hi Maharsahtra chief minister Devendra Fadnavis leh union agriculture minister Narendra Singh Tomar-ten an kaihruai a ni. Pema Khandu chuan, tualchhung farm leh ram aṭanga thlai thar chhuahte man tlawmtea zawrh an nih laiin, state pawn lamah to tak taka zawrh an ni leh ṭhin. Loneituten an thlai thar chhuahte mumal taka an zawrh theihna tura Arunachal Pradesh Agriculture Produce and Livestock Marketing Act 2018 an siam thu a sawi. 

Agriculture leh allied sector hmasawnna chu an state-ah chuan an ngaihpawimawh thu sawiin; Arunachal Budget 2018-ah pawh fund a tam thei ang ber kan dah a ni, a ti bawk. He meeting-ah hian Haryana CM Manohar Lal Khattar and Gujarat CM Vijay Rupani-te pawh an tel a ni.