Assam CM-in industrial park leh Sootea ITI lungphum phum

Assam chief minister Sarbananda Sonowal chuan Sonitpur district-a Jamugurihat-ah industrial park leh ITI, Sootea permanent campus lungphum a phum. 

Industrial Park hi ram bigha 315-a zauah sak a ni a; ITI, Sootea permanent campus hi cheng vaibelchhe 25 senga sak a ni bawk ang. CM Sonowal hian Jivika Sakhi Express Scheme  hnuaiah hmeichhia 153-te tan scooty a sem nghal bawk a, Sonitpur district-a Self Help Group (SHG) tin tan Rs 50,000 ṭheuh a sem bawk a ni. 

Assam-a BJP kaihhruai sorkar a din hnuah state hmasawnna turin kawng hrang hrangin hma an la nghal tih Sonowal chuan a sawi a, kum li leh a chanve liamta chhung khan hmasawnna tam tak hmuh tur a awm a, hei bakah hian state chhunga tharum thawhna thleng ṭhin pawh a bo tawh a ni, a ti. Sorkar inkaihhruaina chak leh ṭha tak avang te, boruak muanawm leh mipuite thawhhona ṭha tak avangin an state chuan chak takin hma a sawn mek a ni, a ti.