Meghalaya State women commission-in chairperson nei lo rei

 Meghalaya State Commission for Women chu nikum October thla aṭang khan chairperson nei loin a awm tawh tih social welfare minister Kyrmen Shylla chuan a sawi. 

Minister chuan MSCW chairperson leh member thar ruat turin committee neih a ni thuai dawn tih a sawi a, district hrang hrang aṭanga hming thehlutte chu Chief Minister hoin committee chuan a ngaihtuah dawn a ni, a ti. 

Tun thlenga MSCW chairperson ruat a la nih loh chhan chu district ṭhenkhatin hming an la thehluh loh vang a ni tih a sawi bawk. 

Thma U Rangli Juki (TUR) pawl chuan CM Conrad Sangma hnenah MSCW chairperson chhuak ta term a tawp hnuah a thlaktu tur ruat la ni lo chu ngaihtuah tura  ngenin, chairman thar ruat tur hian committee din turin an lo ngen tawh a ni.