Assam-ah tuilian vangin mi 67 thi tawh

Assam State Disaster Management Authority (ASDMA) chuan tuilian vangin mi 67 an thi tawh tih an tarlang.

Dhemaji, Goalpara leh Rangiya-ahte chuan ruang pakhat ṭheuh tui aṭangin an lachhuak tawh a, Morigaon dis­trict aṭangin ruang pahnih an lachhuak tawh bawk. Tuilian chuan ziaawm lam a pan zel a, water level pawh a hniam ṭan tawh hle a ni. 

July 13 leh 15 inkar khan Kaziranga National Park phei chu tuiin a chim nasa hle a, 90% vel chu a chim a ni. Hemi avang hian samak 12 leh hog deer 115 chu an thi bawk. Assam governor Jagdish Mukhi leh mi­nister for forest and en­vironment Parimal Suk­labaidya-te chuan Pa­thianni khan Bokakhat subdivision-a relief camp pahnih an tlawh a, Kazi­ranga hmun ṭhenkhat pawh an tlawh a ni.