LS Speaker-in Meghalaya Assembly-ah thu sawi

Lok Sabha speaker Om Birla chuan Ningani khan Meghalaya Assembly House-ah thu a sawi. 

Om Birla hi ni hnih chamin Meghalaya-ah a zin a, Ningani khan Assembly House-ah hian thu sawiin, Mawdiangdiang-a Meghalaya Legislative Building thar sak mek chu a enfiah bawk. Nimin khan ''Outreach and Familiarisation Programme for the Local Bodies of the State of Meghalaya and the other North Eastern States'' tih a hawng bawk a ni. 

Speaker chuan demo­cracy chak ṭha tak din tur chuan cons­titutional institution hrang hrangten inpawhna leh thawhhona ṭha tak an neih a ṭul tih a sawi. Thil sawihonaah ngaihdan leh duhdan in ang vek lo mah se, hemi avang hian hnathawk thei lo turin a indangchat tur a ni lo, a ti. An thil sawihona aṭang chuan ram mipuite tana ṭha tur an sawichhuak zawk tur a ni, tiin a sawi. 

Parliament kalphung leh tihdan hrang hrangte chu hmeichhia, ṭhalai leh MP thlan tharte chiang taka an hriat chu a ngai pawimawh hle tih sawiin, House-a debate leh discussion neihah pawh an tel ve zel a duh hle tih a sawi a ni.