Manipur-a pawl 33-in ruihlo dona kawngah sorkar puih intiam

Manipur-a pawl 33 hruaitu leh aiawhte chuan state sorkarin ruihhlo do beihpui a thlaknaah thawhpui a, poppy chinna hmunte tichhe turin thu a intiam. 

Ningani khan chief miniser N Biren Singh hoin Imphal-a Bhagyachandra Open Air Theatre-a  'All Communities Convention for a Pledge Against Illegal Poppy Plantation' hman a ni a, he hunah hian pawl hrang hrang aiawhte hian thu an tiam a ni.

He inkhawm hi civil organisation, Meitei Leepun leh pawl 33 thawkhoten an buatsaih a ni. Thutiam hi Manipur Baptist Convention-a Reverend Zuankanmang Daimei chuan a laktir a ni. 

CM Singh chuan ruihhlo leh thil ṭha lo dang umbona tura thawhhona ṭha neih a pawimawh a ṭul thu a sawi a, poppy chinga eizawngte chu sorkar chuan eizawnna dang a ngaihtuahsak dawn a, hemi tan hian budget-ah pawh fund ruahman a ni, a ti.