AP Assembly-ah bill 7 pharh

Arunachal Pradesh state assembly budget session chu Ningani khan neih ṭan a ni a, session ṭan ni hian government bill pasarih pharh a ni. 

Chief minister Pema Khandu chuan Arunachal Pradesh Civil Courts Bill 2021 a pharh a, finance changtu deputy chief minister Chowna Mein chuan bill pathum - Fiscal Responsibility and Budget Management (Amendment) Bill, Ease of Doing Business Bill leh Goods and Service Tax (Amendment) Bill a pharh. 

Health and family welfare minister Alo Libang chuan Arunachal Pradesh Indian Medicine Council (Amendment) Bill a pharh a, parliamentary affairs minister Baman Felix-a'n Arunachal Pradesh Legislatures Members (Prevention of Disqualification) (Amendment) Bill 2021 pharhin, town planning and urbal local bodies minister Kamlung Mosang chuan Municipal Corporation (Amendment) Bill a pharh ve bawk. 

Heng bill-te hi sawiho a nih hnuah house-ah hian pass a ni ang.