BJP in Congress dem Thu dik lo vawrhdarh-ah puh
BJP national secretary Rahul Sinha chuan Citizenship Amendment Nill, 2016 pawm anih loh chhanah Congress chu an dem thu sawiin, Congress chuan thu dik lo an vawrhdarh tih Meghalaya state BJP office-a reporter ten a kawmnaah a sawi.
BJP general secretary chuan Parliament-a bill a tlawlh chhan chu Congress in thu dik lo vawrhdarhin mipuite a ni lo zawnga an hruaikawi vang tih a sawi a, bill dodal zawnga an campaign vang tih a sawi a ni.
Lok Sabha inthlan awm turah chuan CAB nihna diktak leh a tum te an tichiang dawn tih a sawi bawk.
Rahul Sinha chuan Meghhalaya-a an party MLA-te ngei pawh an rilru hruaikawia a awm thu a sawi a, communication gap a awm avangin heng hi a thleng tih a sawi. Bill nihna dik tak chu state party hruaitute hnenah pawh an hriattir dawn tih a sawi a ni.
State Autonomous District Council inthlana candidate pakhatmah an neih loh chungchanga zawhna chhangin Sinha chuan Lok Sabha inthlan atana inthlur bing an duh vang a candidate nei lo an nih thu in a chhang. Hetih lai hian state BJP hruaitute chuan a hma in chhan dang vanga candidate nei lo an nih thu an sawi tawh thung.
State BJP president, Shibun Lyndoh pawhin hemi chungchang hi sawiin, ADC inthlan atan candidate 12 thehlut mah se central lama party hruaitute aṭangin pawmpuina an dawng lo tih a sawi.