AP BJP hruaitu hlun pahnihin Congress zawm

Arunachal Pradesh-a Bharatiya Janata Party (BJP) hruaitu hlun tak pahnih chuan Inrinni liamta khan Congress an zawm.

State minister hlui pahnih- Atum Welly leh Tatar Kipa-te chuan Inrinni khan BJP chhuahsanin Rajiv Gandhi Bhawan-a Congress in hun an hmannah Congress party an zawm a ni.

BJP hruaitu pahnihte hian saffron party chuan Assembly inthlan awm tura candidate thlanna kawngah dan awmsa te an zawm lo tih an sawi.

Welly leh Kipa-te hian kar liamta Ningani khan state BJP president Tapir Gao hnenah lehkha thawnin, an party chuan Assembly inthlanna awm tura atana MLA candidate tur thlanna kawngah dan awmsa te an zawm loh avangin BJP nena inzawmna an neih zawng zawng an tihchah thu an thlen a ni.

Welly leh Kipa-te hi Congress sorkar lai khan Congress minister ṭhin an ni a, kum thum kaltaah khan BJP hi an zawm a, tunah hian an chhuahsan leh ta a ni.

Thla hmasa mai khan Arunachal Chief Minister hlui Gegong Apang pawhin BJP hi a chhuahsan ve tawh bawk a, Apang hian eng party nge a zawm dawn a la sawi lo thung.