CAB-a kan dinna a la ngai reng : Meghalaya Home Minister

21st February, 2019

Meghalaya Home Minister leh NPP leader, James PK Sangma chuan Citizenship Amendment Bill, 2016 chungchanga an dinna chu a la ngai reng tih a sawi.

Pathianni-a BJP president Amit Shah-an thuneihna an chang leh a nih chuan CAB chu kalpui a nih leh dawn thu a sawi hnu lawkah, Thawhṭanni khan James Sangma chuan CAB chu an dodal zel dawn thu a sawi a ni.

James Sangma chuan bill chu tharthawh leh ni mah se an dodal leh dawn tih a sawi.

Home Minister chuan an dinnah chuan an chiang hle tih sawiin, bill chu hmarchhak tana hlauhawm tak a nih thu a sawi. Engpawh thleng se bill chu an dodal zel dawn tih a sawi bawk.

An party president leh Meghalaya CM ni bawk, Conrad K Sangma pawhin CAB pawm a nih chuan BJP kaihhruai NDA aṭanga an inhnuhdawh dawn thu a sawichiang hle tih a sawi bawk a ni.