North East Youth Exchange Programme-ah Hmarchhak ṭhalai 250 fuankhawm

Sikkim Gover­nor Ganga Prasad chuan Thawhlehni khan ni ruk awh tur ‘North East Youth Exchange Programme’ chu Bihar state khawpui Patna-a Youth Hostel-ah a hawng. NYEP theme atan hian ‘Ek Bharat, Shresh Bharat' tih hman a ni.

A ni khatnaah hian Assam, Arunachal Pradesh, Sikkim, Mani­pur, Nagaland, Tripura leh Mizoram aṭangin ṭhalai 250 vel an tel nia report a ni bawk.

He programme hi Nehru Yuva Kendra Sangathan (NYKS) leh Ministry of Youth Affairs and Sports ṭangkawp buatsaih a ni.

Ganga Prasad chuan youth exchange prog­ramme in a tum ber chu state leh UT hrang hrang ṭhalaite inkara inpumkhatna ṭha zawk siam leh inkungkaihna ṭha zawk siamsak a nih thu a sawi. 

He hunah hian  State Health Minister, Mangal Pandey, Art, Culture And Youth Affairs Minister, Krishna Kumar Rishi, MLA Sanjiv Chaurasia leh NYKS Vice-Chairman, Divesh Pratap Singh-te pawh an tel a ni.