Assam assembly inthlanah RJD in chuh ve tum

Rashtriya Janata Dal (RJD) hruaitu Tejashwi Yadav chuan Assam assembly inthlan lo awm turah an party chuan chuh ve a tum tih sawiin, an rilru ang pu ve party dangte thawhpui an tum tih a sawi. 

Yadav chuan inthlan chuh ve an tum chungchangah Congress hruaitute pawh a be tawh a, AIUDF hruaitute pawh a be leh dawn tih a sawi bawk. Anni bakah party tenau dangte pawh a be dawn tih a sawi. 

"Assam-ah hian Bihar, West Bengal, Jharkhand, Odisha leh Chhattisgarh aṭanga lut, Hindi ṭawng hmang 5% vel an awm. Heng mite chen tamna bialah hian seat 11 vel a awm a, mahse kan chak theihna tur ngeia kan rinah chauh kan chuh ang," a ti.