Assam BPF-in Congress kaihhruai ṭangrual pawl zawm

Assam-a rorellai, BJP thawhpui ṭhin Bodoland Peoples' Front (BPF) chuan assembly inthlan an neih turah Congress kaihhruai ṭangrual pawl chu an zawm dawn tih an puang. 

BPF president Hag­rama Mohilary chuan BJP an thawhpuina an tihtawp thu puangin, eptu ṭangrual pawl lamah an tel dawn tih a sawi a ni. 

Hagrama Mohilary chuan, "Boruak ral­muang, inpumkhatna leh hmasawnna a awm theihna turin BPF chuan Assam Assembly inthlan lo awm turah eptu ṭangrual pawl, Mahajath chu thawhpui a rel a ni. BJP nena kan inzawmna kan tihtawp a ni," tiin a twitter-ah a tarlang. 

Congress hruaitute chuan BPF President thutlukna siam chu lawmawm an tih thu sawiin, thawhhona ṭha an neih ngei an beisei thu an sawi a, inthlan neih hun pawh an nghakhlel tawh hle tih an sawi bawk a ni.