Assam-a dan loa lut Bangladesh mi 30 thawn kir

Bangladesh aṭanga dan loa Assam-a lut mi 30-te chu Ningani khan thawn kir an ni. 

Official-te chuan Bangladesh mite hi Ka­rimganj district-a Kalibari Ghat border post aṭangin thawn kir an nih thu a sawi. Karimganj additional superintendent of police Dr Debajit Nath chuan heng mite hi Border Security Force (BSF)-te puihnain Kushiyara lui ral lehlama Bangladesh thuneitute hnenah a hlan. 

Bangladesh mi thawn kir zingah hian hmeichhia pathum an tel a, Assam-ah hian dan loin kum nga vel an awm tawh . Heng mite hi district hrang hrang aṭanga man an nih hnuah Kokrajhar, Goalpara, Silchar, Tezpur leh Jorhat-a detention camp-ah dah an ni. Ningani-a mi 30 thawn kirte nen hian Assam-a dan loa lut, Bangladesh mi thawn kir hi mi 124 an tling tawh. 

Nikum khan Guwahati-a Bangladesh Assistant High Commissioner, Kazi Muntashir Murshid chuan detention camp-te tlawhin, heng hmuna awmte chu Bangladesh rama thawnkir an nih theihna turin an data-te a lo lakhawm tawh bawk.