Chandrayan-2 scientist zingah Manipur mi Hidam Rajeev a tel

Indian Space Research Orga­nisation (ISRO)-in hlawh­tling taka Chandrayan-2 an kahchhuah theihna atana scientist pawimawh tak takte zingah Manipur mi Hidam Rajeev a tel.

Hidam Rajeev hi Chandra­yan-2 team-a regular member a ni a, November 2013-a Mars orbiter Mangalyaan kahchhuah a nih pawh khan a buaipuitu team zingah a tel a ni.  

Hidam hian Assam Engi­nee­ring College aṭangin Che­mi­cal Engineering a zo a, cam­pus recruitment drive aṭangin Rajasthan-a hmunpui nei Hindustan Zinc Limited-ah hun eng emaw chen a thawh hnuah, 2019 khan Indian Space Research Organisation (ISRO)-ah hian scientist/engineer angin a lut.

Jiribam district-a Dibong-a piang a ni a, a unau dangte pa­hnih pawh engineer  an ni. Kum naupangte a nih lai aṭang tawhin ISRO emaw Bhabha Atomic Research Centre emawa luh tum a ni a, a tumna chu a tih­hlawhtling ta a ni.

Sangai Express-in an kawmnaah Hidam chuan tumruhna leh thawhrimna nen chuan thil tum a tihhlawhtlin theih thu sawiin, Manipur ṭhalaite chuan talent an neih ṭhat thu leh thawhrimna an mamawh tih a sawi.