Priyanka Gandhi-i'n Assam tlawh

Congress party hruai­tu Priyanka Gandhi Vadra chuan nimin khan ni hnih cham turin Assam a tlawh. 

Assam assembly in­­thlan neih tur atan political party hrang hrangte an campaign ngawrh tawh hle a, prime minister Narendra Modi leh central-a BJP hruaitute pawh tun hnaiah Assam-ah an kal ngun hle. AICC general sec­retary, Priyanka Gandhi Vadra hi party Assam in-charge Jitendra Singh-a'n a ṭawiawm a, state unit chief Ripun Boral leh party hruaitu dangten Lokpriya Gopinath Bor­doloi Airport-ah an lo hmuak a ni. 

Priyanka hi Gu­wahati-a Kamakhya Temple-ah a ṭawngṭai a, amah leh a chhungte bakah Assam mipuite tan malsawmna a dil tih a sawi. Temple aṭang hian Upper Assam-a Lak­himopur a pan leh a,  he hmunah hian party worker-te meeting a neihpui a, ṭhalai hna nei loten protest prog­ramme an siam tur chu a hawng nghal a ni. Letekupukhuri-a Sri Madhavdev pianna hmun tlawh bawkin, kum 1942-a Quit India movmement kalpuinaa India flag zar a tum avanga police-te kahhlum, freedom fighter Kanaklata Barua limah zahna a hlan bawk. 

Priyanka hian nizan khan Biswanath-ah hun a hmang a, vawiin hian Sadharu tea estate tlawhin thingpui huana thawk hmeichhiate leh self-help group  member-te a kawm ang. Mahabhirav Temple a tlawh dawn bawk a, hemi hnu hian Tezpur-a vantlang inkhawmah thu a sawi ang.