Assam CM leh Bangladesh palai inbia

Bangladesh High Commissioner to India, Muhammad Imran chuan Assam chief minister Sar­bananda Sonowal hmuin, thawhdunna leh inzawmna ṭha tak neih dan tur chung­chang an sawi dun. 

Inbiakna an neihah hian Assam Chief Minister chuan Act East Policy chungchangah Bangladesh nena inzawmna chak tak neih a ṭul thu sawiin, he policy hmang hian Assam leh Bangladesh chuan thawhdunna zau zawk an siam a ngai a ni, a ti. Waterways, airwasy leh roadways hmanga Assam leh Bangladesh inkalpawhna tihchangtlun a ṭul thu pawh a sawi bawk. 

Assam leh Bangladesh inrina hi km 263-a thui niin, heng zinga km 143.9 chu khawmualah niin tuipuiah km 119.1 a thui a ni bawk. Bangladesh High Com­missioner chuan Assam nena trade leh culture lama inzawmna zau zawk neih an duh hle tih a sawi.