Parliament building tharah Tripura mau aṭang thil siam hmang turin ngen

Union minister for road transport, highways and MSME Nitin Gadkari chuan Tripura Lok Sabha member Rebati Tripura hnenah Parliament House tharah chuan  Tripura mau leh mau aṭanga thil siamte chu hman a ni mai thei tih a hrilh. 

MP Tripura chuan union minister hnenah hian an state mau aṭanga siam, bottle, basket leh mobile stand-te a pek thu sawiin, mau aṭanga thil siamte hi eco-friendly niin, plastic leh iron hmanga thil siamte aia a him zawk thu pawh a hrilh tih a sawi. Parliament House tharah an state-a mau aṭanga an thil siam hrang hrangte hmang tura a rawtna a thlen thu sawiin, Gadkari pawhin a rawtna thehluh hi a pawmsak a, Parliament House satute bulah a ṭul anga hma laksak a tiam tih a sawi. 

Parliament building-ah hian Tripura mau aṭanga thil siamte hi hman a nih chuan, prime minister Narendra Modi-a'n tualchhung thil siam chawilarna tur, 'Vocal for Local' a aupuina tihhlawhtlinna tur a ni, tiin MP chuan a sawi bawk.