Garo Hills mipuiin mi an sawisak hlum thubuai Sorkarin chhuizui turin thupek tichhuak

Meghalaya state sorkar chuan West Garo Hills-a tunhnaia mipui thinrimin mi pahnih an sawisak hlum chungchang chu chhuizui turin thupek a tichhuak.

Home Minister, James PK Sangma chuan Phulbari MLA,  S.G. Estamur Mominin hnenah lehkha thawnin sorkarin chhuizui tura thutlukna an siam chungchang a hriattir. Chhuizuina hi SDO (civil) Dadeng chuan a kaihruai dawn tih a sawi bawk.

February 16 khan Chanangpara thingtlang khuaa tualchhung mite chuan car-a mi pathum chuang chu misual nia ngaiin, car hi an tiding a ni. Car an hawn hian chem leh rod-te an hmuh bawk avangin car-a chuangte hi nasa takin an sawisa a, mi sang chuang laiin an sawisak rawn niin report chuan a tarlang. 

Heng mi pathumte hi sumdawng mi an nih thu tarlan a ni a, pahnih hian nunna an chan phah a ni. Pakhat erawh hliam na tak a tuar avangin damdawi-inah enkawl zui a ni bawk.