Meghalaya: Ramri buaina chinfel a nih loh chuan buaina siamah vau

Meghalaya-a Hynnie­wtrep National Achik Movement (HANM)-te chuan thuchhuah siam­in NPP kaihhruai Me­ghalaya-a MDA sorkar chuan ramri buaina an ching­­fel lo a nih chuan buai­­na siamah sorkar chu an vau.

HANM hian Nilaini khan Additional Secre­tariat kawta parking lot-ah sit-in-demonstration an huaihawt a, sorkar chu Assam nena an in­rinaa buaina chhuak ṭhin­te a rang thei ang bera chingfel turin an nawr a ni.

HANM president Lam­phrang Kharbani chuan NPP chuan an election campaign-ah thuneihna an chang  a nih chuan ramri buaina chu chinfel an tiam tih sawiin, an thutiam chu tihlawhtling ngei tura an ngiat thu an sawi.

Sorkar chuan  Auto­nomous District Councils (ADCs) inthlan zawhah an pawl chu meeting neihpui an tiam bawk tih sawiin, an tihlawhtling lo a nih chuan buaina siam chu an hreh lo tih an sawi bawk.

Ramri hungna fel tak a awm loh avangin Assam sorkar chuan an state chin pawh an lut ngam tih sawi­in, Meghalaya chu an nem lutuk niin a sawi a ni.