VAB chungchangah Meghalaya Dy CM zawhna zawt

Meghalaya-a Khasi Hill Autonomous District Council (KHADC) Chief Execu­tive Member, Hispreaching Son Shylla chuan Thawhlehni khan Deputy Chief Minister, Prestone Tynsong-an NPP in Village Administration Bill a kalpui dawn tih a tiam chungchangah zawhna a zawt. 

Preston Tynsong hian February 27 inthlan neih turah Council-a Executive Commitee an din thei a nih chuan Village Administration Bill an kalpui dawn thu a sawi a ni.

Hispreaching Son Shylla chuan Himas tam zawkin codified law an puala an neih ṭheuh laiin engtin nge VAB chu kalpui an tum tia zawhna siamin, Himas tlemte chiahin codified law an la nei lo tih a sawi.

Shylla chuan VAB kalpui a nih chuan Village Development Council leh Dorbar Shnong inkarah buaina a chhuak dawn tih a sawi a ni.

MDC-te pawhin VAB chu KHADC-ah hmantlak a ni dawn lo tih an hriat thu sawiin, Deputy CM thusawi chu hriatthiam harsa tak a nih thu a sawi. VAB kalpui a nih tur chungchang election propaganda-a an telh chuan state politics hruaitute chuan mipuite nghawng tur thil an hrechiang lo hle tih a tilang tih a sawi.