Politics hi ka kalna tur a ni lo: Irom Sharmila

Manipur human rights activist Irom Sharmila chuan NDA sorkar chu sawiselin, policy siamna kawngah mipuite ngaihdan ngaipawimawh loah a puh.

Democracy chu a hming chauha kalpui a nih thu sawiin, mipuite chu danglamna thlen tura vote thlak turin a sawm. 

 

Kum 16 lai Armed Forces (Special Powers) Act hlih a nih theihna atana chaw ngheia nawrh huaihawttu Irom Sharmila chuan Democratic hruaitute chu mipuite chhiahhlawh an ni a, midang khuahkhirhtu tur an ni lo tih a sawi. Policy an siamna kawngah pawh mipuite an zah a ngai tih a sawi.

Citizenship (Amend­ment) Bill chungchangah pawh mipuite rawn hmasa tur an nih laiin an rawn hmasa lo tih a sawi bawk. Modi sorkar chuan an rinna leh an system hmangin thil zawng zawng an thuhnuaia dah an tum tih a sawi bawk.

Sharmila chuan Modi sorkar chu thlak an harsa dawn hle tih sawiin, mipuite chu danglamna thlen tura vote thlak turin a sawm a ni. Lok Sabha inthlanah din a tum em tih zawhna chu chhangin Sharmila chuan a kalna kawng tur a nih loh thu a sawi.

Politics-ah tuina a nei tawh lo tih sawiin, electoral politics-ah experience a neih tawh thu leh a bawlhhlawh zia a hriat tawh thu sawiin, politics chu a kalna tur a ni lo tih a hriatchhuah tawh thu a sawi a ni.