Assam: Dibrugarh district tuilenna hmun Union Minister-in enfiah

Union minister of state for food processing industries Rameswar Teli chuan Inrinni khan Assam Dibrugarh district-a tuilen dan leh tuilian in nghawng a neih dante a enfiah.

Union Minister hi district thu­neitute chuan ṭawiawmin; tuilian tuarte an kawm a, sorkar chuan a theih ang anga ṭanpuina a pek dawn thu Teli chuan a sawi.

Dibrugarh parliamentary seat aṭanga thlan tlin Rameswar Teli hi tualchhung mite chuan tuilianin nasa taka a tihchhiat Oakland pawhtu kawngpui siamṭha thuai turin an ngen ve bawk. Teli pawhin tuilian tuarte chhawmdawlna leh zángnadawmna pek dan turte ngaihtuah nghal turin official-te chu a hriattir ve nghal bawk.

Union Minister hian Oakland area, Nagaghuli area, Kachari line, Maijan leh Kalakhowa area-te a tlawh a ni. Fur tuilian khan Dibrugarh district-ah hian thingtlang khaw 102 a nghawng a, mi 64,000 velin an tuar a ni. Zirna in leh kawngpui eng emaw zat a chhe bawk.