Meghalaya Assembly Speaker Roy a thi

Meghalaya Assembly speaker Donkupar Roy chu nimin chawhnu khan a thi.

Kum 65 mi Donkupar Roy hi July 18 khan a pum lam ṭhat lohna avangin Gurugram-a Medanta hospital-ah dahluh a ni a, nimin chawhnu dar 2.50 khan a thi a ni. 

Roy hi Meghalaya-a ṭangrual sorkar- Megha­laya Democratic Alliance (MDA) a tel, United Democratic Party (UDP) president a ni. Nikum 2018 khan assembly speaker atan thlan tlin a ni a, vote 56 awmah 35 hmuin a tling.

Legislator ni rei tawh ber a ni bawk a, 1988 aṭang khan Assem­bly member a la ni char char a, East Khasi Hills district-a Shella constituency MLA ni lai mek a ni.