Tripura-ah 7th economic census ṭan dawn
Sorkar laipui chuan vawiin aṭang hian Seventh Economic Census a kalpui ṭan dawn a, Tripura state aṭangin ṭan a ni ang.
He census hi Ministry of Statistics and Programme Implementation (MoSPI)-in a buatsaih dawn a, kum nga hnua a neih lehna tur a ni. Ministry hi CSC e-Governance service, India Ltd. (CSC SPV) nen an thawkdun ang.
Ministry official chuan economic census hi Tripura-ah ṭan a ni dawn tih sawiin, Puducherry-ah neih chhunzawm a ni ang, a ti. In leh sumdawnna hmun tinah kalin data an lakhawm dawn a, fieldwork hi December thlaah zawh hman tum a ni. National level result chu nakkum March thlaah tihchhuah theih beisei a ni bawk.
Census neih turah hian fieldwork lamah thawktu mi nuai 10 vel an awm dawn tih ministry chuan a sawi. Kum 2013-a Economic Census neihah khan hnathawhna hmun nghet maktaduai 58.5 awmin, hnathawktu maktaduai 131 an awm a ni.