AP-ah kum 2017 aṭangin malaria vanga thi awm lo
Arunachal Pradesh chuan an state aṭanga malaria hri umbo tuma hma a laknaah hma a sawn zel. Kum 2014-ah malaria vei mi 6080 an awm laiin kuminah chuan mi 108 chauh hmuhchhuah an ni. Kum 2017 aṭang khan malaria vanga thi report an awm tawh lo bawk.
Lower Subansiri district-a Ziro hmuna ni thum awh National Vector Borane Disease Control Programme review meeting neihnaah hemi chungchang hi sawichhuah a ni. Arunachal Pradesh sorkar hian kum 2025-ah an state
aṭangin malaria hrik um bo a, malaria awm lohna state-a siam tumin hma a la mek a ni. Malaria hri vei hi tlahniam zel mah se, kuminah an state-ah hian Japanese Encephalitis vei 44 hmuhchhuah an ni thung.
Regional Director, Health and Family Welfare, Guwahati chuan review meeting hi hmanpuiin, malaria hrik umbo tur chuan stakeholder hrang hrang - ASHA, MPW, Anganwadi worker leh medical lama thawktuten theihtawp an chhuah a ngai tih a sawi. He hri khuahkhirh tur chuan medical infrastruture-te thuam ṭhat a, thawktu lam pawh indaih a, training pek ṭhat an ngai tih a sawi.