RIIN enfiah tur commission din

Nagaland-a Register of Indigenous Inhabitants of Nagaland (RIIN) enfiah tur member pathum awmna commission state sorkarin a din.

July 17 leh 20 khan state sorkar chuan Civil Society, Tribal Body leh NGO-te ṭum hnih meeting a neihpui hnuah commission hi din a ni ta a ni. 

Sorkar chuan hemi chungchangah hian Inrinni khan thuchhuah siamin, commission hian RIIN kaihhnawiha thil awm thei hrang hrangte an zirin an enfiah anga, rawtnate pawh an tlen dawn tiin an tarlang. 

Commission hi chief secretary retired Banuo Z Jamir chuan a kaihruai dawn a, ani hi chairman atan ruat a ni. T Kiheto Sema leh S Chingwang Konyak-te chu member atan ruat an ni bawk. Justice retired Zelre Angami chu advisor atana ruat a ni a, Home Commissioner leh Commissioner Nagaland-te pawh ex-officio atan ruat an ni.

Sorkar chuan thla thum chhunga report thehlut turin commission hi a hriattir a ni.