Manipur Health minister-in NVHCP hawng

Manipur Health minister L Jayantakumar Singh chuan Pathianni khan World Hepatitis Day denchhenin National Viral Hepatitis Control Progam (NVHCP) a hawng. 

Minister chuan Jawa­harlal Nehru Institute of Medical Sciences (JNIMS) leh Regional In­stitute of Medical Scie­nces (RIMS)-ah model treatment centre pahnih a hawng nghal bawk. He centre-ahte hian hepatitis veite chu a thlawna enkawl an ni dawn a, damdawi pawh a thlawn veka pek an ni bawk ang. 

RIMS Jubilee Hall-a inkhawm buatsaihah, minister Jayantakumar chuan hepatitis natna chu ngaihthah mai chi a ni lo a, sorkar laipui-a health ministry pawhin kum 2030-ah India ram aṭanga hepatitis natna umbo hman tumin target a siam tih a sawi. 

Jayantakumar chuan thingtlang lama chengte chuan hepatitis natna chungchang hi an ngaihven lo zual tih sawiin, thingtlang lama health staff awmte pawh theihtawp chhuah a; mi­puite hnenah hepatitis chungchang hrilh hre turin a chah. Minister chuan media mite pawh hepatitis chungchanga mipuite zirtirna lam pe uar turin a ngen bawk. 

Manipur health depart­ment-a joint secretary, A Radhabinod Sharma pawhin thu a sawi a, India ram chu  khawvela hepatitis vei tamna ram panga zingah a tel tih a sawi. Manipur sorkarin model treatment centre pahnih a siam chu lawm­awm a tih thu a sawi a, hemi rual hian hepatitis C sentinel survey neih a rawt bawk.