Assam-ah kum 5 chhungin doctor beihna ṭum 29 thleng

Assam parliamentary affairs minister Chandra Mohan Patowary chuan Thawhṭanni-a assembly inkhawmah, kum nga kal ta chhungin an state-ah sorkar doctor beihna ṭum 29 a thleng tih a sawi. 

Minister chuan, "Doc­tor-te beihna kaihhnawih­ah hian mi 52 man an ni a, thubuai 14-ah charge­sheet thehluh a ni bawk. Thubuai 10 chhui hna chu tihkhawtlai a la ni rih," a ti. Doctor-te himna tur hian a ṭul angin hma lak a ni a, police picket-te siam a nih bakah pawikhawihna thleng ṭhin veng tur hian duty tir ṭhin an nih thu a sawi. 

Patowary chuan police station leh outpost-a officer-te chu district SP-te chuan sorkar hospital-te vil uluk turin a hriat-tir a, doctor-te beih a nih ṭhin venna tura awareness rally-te buatsaih turin hrilh an ni bawk a ni, a ti.