Assam-ah Japanese encephalitis vangin thi an tam
Assam minister of state for health Pijush Hazarika chuan Thawhṭanni khan Assam-ah Japanese encephalitis natna avangin kuminah naupang 120 an thih thawh thu a sawi.
JE leng vang hian Assam sorkar chuan an state chhunga thingtlang khuaa chengte pawh ngaihtuahin, doctor leh paramedical staff te a zin kual tir mek. Damlo te chu enfiah nghal zelin, he natna Japanese encephalitis an kai lohna turin ngawrh takin hma an la mek a ni.
Sorkar damdawiinte chuan a thlawnin he natna Japanese encephalitis kai apiangte chu an en kawl a, he natna avanga private damdawiin awmte hnenah Assam state sorkar chuan cheng nuai khat a pe bawk. Assam health department tarlan danin, kum 2016 khan Japanese encephalitis natna avangin mi 92 an thi a, kum 2017-ah mi 87 leh kum 2018-ah mi 94 an thi.