Bawng zun leh bawng ekin Coronavirus a ti dam thei ang : BJP MLA
Assam-a BJP MLA Suman Haripriya chuan Thawhṭannia Assam assembly inkhawmah, tunlaia khawvela hri leng mek coronavirus, Covid-19 veite chu bawng zun leh bawng ek hmanga enkawl dam theih an nih a rin thu a sawi.
Assembly inkhawma Bangladesh rama bawng tawlhruk ṭhin chungchang sawihona, Special Mention an neih ṭuma thu a sawiah, BJP MLA hian Covid-19 veite enkawlnan bawng zun leh bawng ek hman rawtna hi a sawichhuak a ni. MLA Haripriya chuan, "Kan vaiin bawng ek ṭangkai zia kan hre vek a. Chutiang bawkin bawng zun hian hmun a tithianghlim bawk. Hetiang bawk hian bawng zun leh bawng ekte hi coronavirus enkawl damna atan a hman theih ka ring a ni," a ti.