NDRF & SDRF hnuaiah AP tan Rs vbc 170 sanction

Sorkar laipui chuan Arunachal Pradesh tan National Disaster Relief Fund (NRDF) hnuaiah cheng vaibelchhe 70 leh State Disaster Relief Fund (SDRF) hnuaiah cheng vaibelchhe 100 a sanction. 

Chief minister Pema Khandu chuan Assembly rorel inkhawmah an state tana tuilian leh leilung chhiatna dang thlengin a tihchhiatte siamṭhatna tura sum sanction zat hi puangin, state finance department chuan scheme kalpuina turin disaster management department hnuaiah fund hi a pe chhuak tawh tih a sawi. 

Finance leh planning changtu, deputy chief minister Chowna Mein chuan SDFR hnuaiah fund pek hi sorkar laipui leh state sorkarin 90:10 a intum sem thu a sawi a, NDRF hnuaiah fund pek erawh a vaiin sorkar laipuiin a tum tih a sawi. NDRF atan hian state sorkar chuan district hrang hrangah tuilian leh leilung chhiatna thlengin thil a tihchhiat hrang hrangte report lakhawmin, home ministry-ah an thawn a, hei hi sorkar lai chuan a hmuna enfiah turin team a tir leh a ni.  Team-in final report an thehluh hnuah, ministry chuan Finance department hnenah fund hi a rawn pe ta a ni, a ti. 

Deputy Chief Minister chuan SDRF hnuaiah sorkar lapuiin kum tinin installment pahnihin fund hi a pek ṭhin thu a sawi. "Finance department-in sorkar laipui aṭanga fund a dawn hnuah, disaster management department hnenah sum hi pe lehin, anni hian district hrang hrangah a ṭul dan angin an pe chhuak a ni. NDRF leh SDRF hnuaia sum pek chhuah danah finance department chuan inrawlhna a nei lo," a ti. 

Arunachal Pradesh chu ni hnih chhung Covid-19 hri kai awm lohna state-a puan a nih hnuah, hri kai pakhat  hmuh chhuah thar leh a nih thu nimin khan senior  health official chuan a sawi. 

State surveillane officer Lobsang ZJampa chuan an state-a hri kai hmuh chhuah tawh chu mi 16,837 an ni tawh a, an zinga 56 chu he hri vang hian an thi tawh tih a sawi. Hri kai zinga 16,780 chu enkawl dam ni tawhin, recovery rate hi 99.66% a ni. Sample 4,06,182 endik tawh niin, hri kai hmuh chhuah positivity rate hi 0.005% a ni.