New Delhi-ah KCP-PWG chairman man
Manipur police leh Delhi police combined team chuan Manipur police-ten man tuma an zawn mek, lu man cheng nuai khat nei mek, Kangleipak Communist Party-People’s war Group (KCP-PWG) chairman Laishram Mangoljao Singh chu New Delhi-ah an man.
Combined team hian Pathianni khan Laishram Mangoljao Singh hi Burari, New Delhi-a Nirankari Sarovar Bus Stand-ah an man a ni. A rual hian a thurualpui dangte pawh man tel an ni bawk. Singh hi Imphal-ah hruai tum mek a ni.
Manipur police-te chuan KCP-PWG member ṭhenkhat chu Delhi-ah hian inkhuarin, an pawl tan sum an khawn ṭhin niin an sawi.
Singh leh midang an mante hi Manipur-a hand grenade tihpuah, silai hmehpuah, bomb kamna bakah, sumdawng leh politician-te hnen aṭanga sum laksak ṭhinaah pawh an inhnamhnawih fo tih an sawi. February thla laihawl vel khan Manipur police-te chuan Laishram Mangoljao Singh man a nih theihna atana a awmna chin hrilh thei hnenah cheng nuai khat lawmman pek an lo tiam tawh a ni.