Electoral roll special camp nei dawn Official-ten hmarchhak tlawh mek

Election Commission of India chuan state leh Union Territory zawng zawngte chu ni hnih awh  electoral roll special camp buatsaih turin a hriat­tir niin Ningani khan offi­cial-te chuan an sawi a ni.

Chief Electoral Offi­cer (CEO) Sriram Tara­nikanti chuan Lok Sabha inthlanpui awm tur tinzawnin leh electoral roll-a hming chuang thei, hming la chuang lote hming chuantir a nih theihna turin state leh UT zawng zawngah ni hnih awh special camp an buatsaih dawn tih a sawi.

CEO Sriram Tarani­kanti chuan Elelction Commission thupek bawh­zuiin ni hnih awh tur special camp hi an buatsaih dawn tih a sawi a, UT-ah bik chuan March 2,3 leh March 8,9-ah te hian buatsaih a ni dawn tih a sawi bawk.

Special camp-ahte hian political party-te chu Booth Level Assistants (BLAs) ruat tura ngen an nih thu leh vil tura tih an nih thu a sawi a ni.

Election Commission official-te chuan hmar­chhak state hrang hrang an tlawh kual mek nia tarlan niin, state pathum vel chiah an tlawh tawh lo a ni. Heng state an la tlawh loh zingah hian Mizoram leh Assam-te pawh an tel. 

State tam zawkah chuan photo-affixed electoral roll, January 1, 2019 qualifying date of age-a hmangin hman ṭan a ni tawh tih an sawi bawk.